عمر طاهر

عن دور أحمد زكي.. عمر طاهر لمحمد رمضان: ثقة في الله مش هتنفع


١٧ يونيو ٢٠٢٠

رؤية

القاهرة - علق الكاتب عمر طاهر على تناول السيرة الذاتية للفنان أحمد زكي في مسلسل "الإمبراطور" من قبل الفنان محمد رمضان.

وعبر حسابه على  فيسبوك، كتب عمر طاهر "مواطن مصري محب للفن غيران على أحمد زكي ماعرفش ليه، وفجأة بقيت مش مرتاح لفكرة مسلسله، ماعنديش أسباب علمية يمكن أسبابي عاطفية أكتر، مش مرتاح لفكرة ممثل شاب بيربي نمور وعربيات وبيشارك جمهوره آخر ماركة في آخر حاجة إنه يمثل حياة الشخص اللي مات مديون ووحيد عشان مخلص للفن، لا وكمان ضايقوه وماخدش كامل حقه".

وتابع طاهر "مش هصدق الفجوة اللي أنا شوفت طرفيها بعنيا وعشت أيامهم، مش هارتاح لممثل فلسفته ثقة في الله نجاح، وممثل طالع بقميص وبنطلون على القناة الأولى بيقول من قلبه التمثيل في الدنيا كدب وفي السينما صدق".

وأضاف "طيب دي قناعة شخصية اللي هيعملها بيمثل برة الشاشة أكتر ما بيمثل جواها، إديني عقلك، فيه فجوة، فمش هاعرف أصدقك، كل التوفيق للفنان محمد رمضان بشكل عام بس ثقة في الله مش هينفع".



الكلمات الدلالية محمد رمضان أحمد زكي عمر طاهر

اضف تعليق